‘महिला पत्रकार कोषका लागि एक गोल’ भन्ने नाराका साथ आयोजना गरिएको फुटबल प्रतियोगितामा अनलाइन मिडियालाई २–१ गोलले पराजित गर्दै प्रिन्ट मिडियाले विजय हासिल गरेको छ ।

नेपाल पत्रकार महासंघ महिला विभागद्वारा आयोजित महिला फुटबल प्रतियोगितामा महिला पत्रकारहरु एकापसमा भिड्दाको दृश्य रोचक थियो । मैदानमा फुटबल खेल्न उत्रिएका महिला सञ्चारकर्मीहरु धेरै उत्साहित रहेका थिए ।

शनिबार सातदोबाटोस्थित एन्फा मैदानमा भएको सो प्रतियोगितामा प्रिन्ट, अनलाइन, टेलिभिजन र रेडियोमा कार्यरत महिला सञ्चारकर्मीको सहभागिता रहेको थियो ।

विजेता टोली प्रिन्ट मिडियाले रेडियोलाई १–० गोलले र उपविजेता अनलाइन टोली टेलिभिजनलाई २–१ ले पराजित गरी फाइनलमा पुगेका थिए ।

अनलाइन मिडियालाई २–१ गोलले पराजित गर्दै प्रिन्ट मिडिया विजय हुन सफल भएको हो । विजेता टोली प्रिन्ट मिडियाका तर्फबाट पून्यवती ढकाल र भाषा शर्माले २ गोल गरेका थिए भने अनलाइनका तर्फबाट मुना कार्कीले १ गोल गरेकी थिइन् ।

पराजित भएको रेडियो र टेलिभिजनले निर्धारित २० मिनेटको खेलमा गोल गर्न नसकेपछि दुवै टोलीलाई संयुक्तरुपमा तेस्रो स्थान घोषणा गरिएको थियो ।

विजेता तथा उपविजेता टोलीलाई नेपाल पत्रकार महासंघका उपाध्यक्ष विपुल पोखरेल, महासचिव रमेश विष्ट, सचिव रामप्रसाद दाहाललगायतले ट्रफी प्रदान गरेका थिए ।

प्रतिक्रिया

प्रतिक्रिया

SHARE

टिप्पणी

Please enter your comment!
Please enter your name here